9oksor

Semurem prej faktit

Qe ende ushqehem

Pas serumit te shpreses

Qe ti me injekton pike pike

Dhe mbijetoj me vite me shekuj

Ne pritje mbi buzet e tua

Qe ato te mbyllen

E te me çajne ne dysh si gijotine

Buze gremines, tutje

Dhe Eiffel duket porsi morg

Pa vdekur

Ti s’mund te arratisesh

Prej kesaj bote

 

 

Fotomontazh by Arber

Mea Culpa

Diell,

Digjme si shtrigan

Atje ne shesh te universit,

Lidhme koke e shpirt

Me tela me qerpike,

E duart keputmi

Me çarqe egersirash,

Me shuka flokesh, te bere lemsh

Mbyllma gojen,

Hidhme ne turra krahesh te prere

Ku zjarri flakeron tym e flake

Si gjuhe qe lepin klitorin e qiellit

E ndizet ne epsh prej shuarjes sime

Ndersa behem hi i papenduar  

O Diell

Digje mekatarin. 

Pasioni i lepurit te bardhe

Ne boten e cudirave

Je ti mbreteresha e zemrave

Me me nje mije e nje qind gjilpera

Te ngulura ne sy,

Deri ne retine zhyten te mallkuarat

Majemprehta, koka Hidré te mbira pafund

Pas shiu te mbrapshte.

Ne fron, atje, qendron ti e denje, por e ftohte,

Balle enjtur prej kurores gjembore 

E thepis gjarperinj te pafund currilash

Si lugeter qe luajne kukamçefti

Lugines se Syve

E piklojne horrorin qe s’mpikset

Brenda braves se ndryshkur te zemres

Ku shqyhen çelesa dashnoresh,

 Si mish kerpurdhash pika-kuqe.

Gezofi im i bardhe, i bardhe,  i rrjepur

I terur, i pajete, si zhguall i flakur,

Mbi thithkat e mprehta te akrepave te ores

Pret veç nje veshtrim tendin

Mbretereshe.

5 A.M.

Enderrat jane kenge

Te peshperitjeve

Te shiut te purpurt

Mbi buzet e tua

Te vdekura

Mbi gjethe qe luten

Ne trungje te shkulur

Si dhembe te kalbur

Prej krimbash gazmor

Kafkash perçmuese.